Eth Plan de volontariat deth projècte PirosLife aufrís era possibilitat de hèr eth volontari e participar en tres programes diferenti:
Programa 1: Seguiment e deteccion der os brun
- Tasca 1. Realizacion de transsectes entara recèrca de traces e revision d’arratères
- Tasca 2. Supòrt as plantacions d’arbes (seteme –octobre).
- Tasca 3. Supòrt ara arrecuelhuda de semes (fin d’agost, seteme e octobre).
- Tasca 4. Supòrt ara banca de semes (fin d’agost, seteme e octobre).
Programa 2: Prevencion de damatges ara ramaderia
- Tasca 1. Supòrt ara recèrca d’oelhes a fin de sason.
- Tasca 2. Supòrt as tasques de regropament e supòrt as vaquèrs.
Programa 3: Informacion e sensibilizacion as ciutadans
- Tasca 1. Informacion e sensibilizacion enes punts d’accès as zònes d’os brun
- Tasca 2. Supòrt as tasques informatiues a hèires.
Era Associacion La Paniquella ei era entitat coordenadora deth Plan de volontariat, qu’assumís er engatjament de velhar entà ua bona seleccion, acuelhuda e seguiment des volontaris e facilitar qu’es tasques se desvolòpen de manèra satisfasenta. Entà garantir es engatjaments entre es volontaris e era Associacion, se signarà ua letra d’engatjament damb es drets e déuers de cada part en començar eth periòde de volontariat.
Eth Projècte PirosLife aufrís a cada volontari/a:
- Lotjament a prètzi redusidi pendent eth periòde de volontariat.
- Supòrt tecnic entà realizar es accions de volontariat damb totes es garanties.
- Jornades de formacion restacades ath projècte de volontariat.
S’ètz interessadi en participar o voletz mès informacion sus bèth programa en concrèt, contactatz damb: lapaniquella@gmail.com
