Eth Grop de Miei naturau deth Collègi d’Environamentalistes de Catalonha (COAMB), en collaboracion damb eth Projècte PirosLife, a organizat ua gessuda tecnica entath dia 27 de mai damb er objectiu de conéisher es detalhs deth projècte PirosLife, es sòns resultats e enjòcs; e ar encòp visitar era zòna de reintroduccion der os brun enes Pirenèus. Era visita serà guidada per Santi Palazón, director tecnic deth Projècte PirosLife.
Eth COAMB arrebrembe as persones interessades en aquera visita tecnica qu’”eth Projècte PirosLife, encastrat enes programes Life-Natura, a per mira implementar accions qu’assoliden eth futur der ors brun enes Pirenèus en un entorn favorable, dont conéisher e assolidar geneticaments era populacion, dessenhar un hilat d’espacis de connectivitat entar os brun e melhorar-los, demostrar qu’eth risc d’atacs ‘zèro’ ath bestiau e ara apicultura ei possible, o generar un climat d’acceptacion e coexisténcia”.
Mès informacion disponibla en web deth COAMB: http://www.coamb.cat/wp-content/uploads/2017/04/Sortida-Piros-Life-COAMB.pdf
